Hyderabad: హైదరాబాద్ వేదికగా మిస్ వరల్డ్ పోటీలు.. షెడ్యూల్ ఇదే

భారత్ సమాచార్.నెట్, హైదరాబాద్: 72వ మిస్ వరల్డ్ (Miss World) పోటీలు తెలంగాణ రాజధాని హైదరాబాద్ (Hyderabad) వేదికగా జరగనున్న సంగతి తెలిసిందే. ఈ వేడుక కోసం రాష్ట్ర ప్రభుత్వం భారీ ఏర్పాట్లు చేసింది. మే 6 నుంచి జూన్ 2 వరకు జరిగే ఈ పోటీల్లో 120కి పైగా దేశాల అందాల భామలు పాల్గొననున్నారు. ఈ క్రమంలోనే హైదరాబాద్ సర్వాంగ సుందరంగా ముస్తాబు చేశారు.

పోటీ నిర్వహణ సమయం సమీపిస్తున్న నేపథ్యంలో పోటీదారులు హైదారబాద్‌కు వస్తున్నారు. వారికి స్వాగతం చెప్పేందుకు శంషాబాద్ ఎయిర్ పోర్టును ఇప్పటికే ప్రత్యేకంగా ముస్తాబు చేశారు. అందాల భామలకు తెలంగాణ సంప్రదాయ పద్ధతిలో స్వాగతం పలుకుతున్నారు. ఈ కార్యక్రమం ద్వారా తెలంగాణ సాంస్కృతిక వారసత్వం, పర్యాటక సౌకర్యాలు,  ఆధునిక మౌలిక సదుపాయాలు ప్రపంచానికి పరిచయం చేయాలని రేవంత్ సర్కార్ భావిస్తోంది. ఈ ఈవెంట్‌కి సంబంధించిన పూర్తి వివరాలు ఇలా ఉన్నాయి.