భారత్ సమాచార్.నెట్: ప్రముఖ నటి (Actress) రాశి ఖన్నా (Raashii Khanna) సెట్స్‌లో స్వల్పంగా గాయపడ్డారు (Injured). అందుకు సంబంధించిన ఫొటోలను సోషల్ మీడియా వేదికగా స్వయంగా ఆమె షేర్ చేశారు. ఓ సినిమా షూటింగ్ (Movie Shooting)లో ప్రమాదకరమైన యాక్షన్ సీన్‌లో పాల్గొనడంతో ఈ ప్రమాదం జరిగినట్లు తెలుస్తోంది. అయితే అది ఏ సినిమా సెట్ అనేది ఆమె వెల్లడించలేదు. అయితే రాశీ షేర్ చేసిన చిత్రాల్లో రాశి ముక్కు నుండి రక్తం కారుతున్న దృశ్యాలు కనిపిస్తున్నాయి. అంతేకాక, ఆమె చేతులు, కాళ్లపై కూడా గాయాలు స్పష్టంగా కనిపిస్తున్నాయి.
ఈ మేరకు రాశి ఇలా రాసుకొచ్చారు.. కొన్ని పాత్రలు మనం చేయాలనుకోం.. అవే మన చేత చేయించుకుంటాయి. కొన్ని గాయాలు కేవలం శరీరానికే కాకుండా.. మన ఊపిరి మీద కూడా ప్రభావం చూపగలవు. అయినప్పటికీ, మనం తుఫానులా మారినప్పుడు, ఈ ఉరుములు, మెరుపులు మనల్ని ఆపలేవు. త్వరలోనే మళ్లీ మీ ముందుకు వస్తాను అంటూ రాశీ క్యాప్షన్ జోడించింది.
ప్రస్తుతం రాశీ ఖన్నా హిందీలో రూపొందుతున్న ఫర్జీ 2 అనే వెబ్ సిరీస్‌లో నటిస్తోంది. ఇదే షూటింగ్ సందర్భంగా ఆమెకు ఈ గాయాలు జరిగాయని పరిశ్రమ వర్గాలు చెబుతున్నాయి. రాశీ ఖన్నా షేర్ చేసిన ఈ ఫొటోలు ఇంటర్నెట్‌లో వైరల్‌గా మారాయి. రాశీ త్వరగా కోలుకోవాలని చిత్ర పరిశ్రమకు చెందినవారు, ఆమె అభిమానులు ప్రార్థిస్తున్నారు. ప్రస్తుతం రాశీ ఖన్నా చేతిలో తెలుసు కదా సినిమాతో పాటు మరో హిందీ ప్రాజెక్టు కూడా ఉంది.
