భారత్ సమాచార్.నెట్: కోలీవుడ్ స్టార్, టాలీవుడ్ స్టార్ హీరోలు ధనుష్, నాగార్జున కాంబినేషన్లో తెరకెక్కిన చిత్రం ‘కుబేర’. ఈ సినిమాకి శేఖర్ కమ్ముల దర్శకత్వం వహించారు. భారీ అంచనాల నడుమ ఈ సినిమా ప్రపంచవ్యాప్తంగా ఐదు బాషల్లో జూన్ 20న థియేటర్లలో విడుదలైంది. అంచనాలకు తగ్గట్టే సూపర్ రెస్పాన్స్ అందుకొని.. బ్లాక్ బస్టర్ హిట్ కొట్టింది. దీంతో తొలి రోజే బాక్సాఫీస్ వద్ద మంచి కలెక్షన్లు సాధించింది.
మొదటి రోజు ఈ భారీ కలెక్షన్స్ను సాధించిందని ట్రేడ్ వర్గాలు అంచనా వేస్తున్నాయి. దేశవ్యాప్తంగా రూ. 13 కోట్ల నెట్ వసూళ్లు సంపాదించింది. ఈ లెక్కన వరల్డ్వైడ్ గ్రాస్ దాదాపు రెట్టింపు ఉండవచ్చు. తెలుగు రాష్ట్రాలతో పాటు అటు తమిళంలోనూ కుబేర డీసెంట్ ఆక్యూపెన్సీతో రన్ అవుతోంది. మరోవైపు కుబేర సినిమా శాటిలైట్ రైట్స్‌ను ప్రముఖ టీవీ ఛానల్ స్టార్ మా అందుకుంది. అలాగే సినిమా ఓటీటీ రైట్సను అమెజాన్ ప్రైమ్ వీడియోస్ సంపాదించుకుంది. బ్రాడ్కాస్ట్, ఓటీటీ హక్కులు దాదాపు రూ. 65 కోట్లకు అమ్ముడైనట్లు తెలుస్తుంది.
ఇకపోతే ధనుష్, నాగార్జున, రష్మిక మందన్న వంటి స్టార్స్ ఈ చిత్రంలో ప్రధాన పాత్ర పోషించారు. మరోవైపు దేవీశ్రీ ప్రసాద్ సంగీతం అందించారు. టాప్ టెక్నీషియన్లు ఈ చిత్రానికి వర్క్ చేశారు. అలాగే వివిధ లోకేషన్లలో షూటింగ్ చేశారు. రెమ్యునరేషన్, చిత్ర నిర్మాణ ఖర్చులు, ప్రమోషన్లు కలుపుకొని రూ.120 కోట్ల మేర బడ్జెట్‌తో రూపొందించారు.. ఈ చిత్రాన్ని శ్రీ వెంకటేశ్వర సినిమాస్ ఎల్ఎల్పీ, అమిగోస్ ఎంటర్ టైన్ మెంట్స్ బ్యానర్లపై నిర్మాతలు సునీల్ నారంగ్, శేఖర్ కమ్ముల నిర్మాతలుగా వ్యవహరించారు.
