భారత్ సమాచార్, నంద్యాల జిల్లా: జిల్లాలోని 155 వసతి గృహాల్లో చదివే విద్యార్థులకు నూతన సంవత్సరం సందర్భంగా ‘ముస్తాబు కిట్లు’ పంపిణీ చేస్తున్నట్లు జిల్లా కలెక్టర్ జి. రాజకుమారి తెలిపారు. సోమవారం కలెక్టరేట్ పీజీఆర్ఎస్ సమావేశంలో ప్రజల వినతులు స్వీకరించిన అనంతరం శాఖాధికారులతో సమీక్ష నిర్వహించారు. కలెక్టర్ చెప్పారు, అధికారులు నూతన సంవత్సర శుభాకాంక్షల కోసం బొకేలు, కేకులు, శాలువలు తీసుకురాకూడదని, స్థానంలో రాష్ట్ర ప్రభుత్వం ప్రతీ పాఠశాలలో ఏర్పాటు చేసిన ‘ముస్తాబు కార్నర్’ ద్వారా విద్యార్థుల పరిశుభ్రతను కాపాడాలని సూచించారు. ముస్తాబు కిట్లలో అద్దం, దువ్వెన, నెయిల్ కట్టర్, హ్యాండ్ వాష్, శానిటైజర్ వంటి అవసరాల వస్తువులు ఉండేలా చర్యలు తీసుకోవాలని కలెక్టర్ ఆదేశించారు. అదేవిధంగా, 20 మందికి పైగా పనిచేస్తున్న ప్రైవేటు కార్మికులు, పాఠశాలలు, ఆసుపత్రులు తప్పనిసరిగా EPFOలో నమోదు కావాలని కలెక్టర్ తెలిపారు. అలాగే PMVBRY కింద నమోదు చేసుకోవడం ద్వారా ఉద్యోగ సంస్థలు, ఉద్యోగులు ప్రభుత్వం ఇస్తున్న ఇన్సెంటివ్స్ పొందగలుగుతారని వివరించారు.