భారత్ సమాచార్, నంద్యాల జిల్లా: జాంబియా జాతీయ అసెంబ్లీ స్పీకర్ నెల్లీ బుటేట్ కషుంబా ముట్టిని మరియు ఆమె ప్రతినిధి బృందాన్ని మంగళవారం నంద్యాల పార్లమెంట్ సభ్యురాలు, లోక్‌సభ టీడీపీ డిప్యూటీ ఫ్లోర్ లీడర్ డాక్టర్ బైరెడ్డి శబరి ఘనంగా స్వాగతించారు. కామన్వెల్త్ స్పీకర్లు సమావేశంలో పాల్గొనడానికి జాంబియా ప్రతినిధి బృందం భారత్‌ను సందర్శించిందని, ఈ సమావేశం పార్లమెంటరీ ప్రజాస్వామ్యాన్ని బలోపేతం చేయడం, శాసన విధానాలలో ఉత్తమ పద్ధతులను పంచుకోవడం, కామన్వెల్త్ శాసనసభల మధ్య సహకారాన్ని ప్రోత్సహించడం లక్ష్యంగా ఉందని పేర్కొన్నారు.