భారత్ సమాచార్, మహబూబాబాద్ జిల్లా: ప్రజా సమస్యలను తక్షణమే పరిష్కరించాలని రాష్ట్ర మంత్రి దనసరి సీతక్క అధికారులను ఆదేశించారు. మహబూబాబాద్ జిల్లా కొత్తగూడ మండలం ఓటాయిలో బుధవారం నిర్వహించిన ‘ప్రజా దర్బార్’కు విశేష స్పందన లభించింది. ప్రజల సమస్యలను నేరుగా తెలుసుకునేందుకు మంత్రి సీతక్క స్వయంగా ఈ కార్యక్రమానికి హాజరయ్యారు. ఎండల తీవ్రత దృష్ట్యా ప్రజలకు ఎలాంటి ఇబ్బందులు కలగకుండా అధికారులు ప్రత్యేక ఏర్పాట్లు చేశారు. ఈ దర్బార్‌లో ఇందిరమ్మ ఇళ్లు, పెన్షన్లు, ఇతర సమస్యలపై స్థానికులు పెద్ద ఎత్తున మంత్రికి అర్జీలు సమర్పించారు. ప్రజల విన్నపాలను ఓపికగా విన్న మంత్రి సీతక్క, వాటిని సత్వరమే పరిష్కరించాలని అక్కడికక్కడే అధికారులను ఆదేశించారు. క్షేత్రస్థాయిలో సమస్యలను పరిష్కరించడంలో ఈ ప్రజా దర్బార్ కీలక పాత్ర పోషిస్తోంది. ఈ కార్యక్రమంలో జిల్లా కలెక్టర్ స్నేహ శబరీష్ ఎస్పీ, డా.శబరిష్ తోపాటు ఉన్నత అధికారులు పాల్గొన్నారు.