భారత్ సమాచార్, యాదాద్రి భువనగిరి జిల్లా: వలిగొండ మండలం నర్సాపురం గ్రామంలో నూతన బొడ్రాయి నిర్మాణానికి భూమిపూజ కార్యక్రమాన్ని ఘనంగా నిర్వహించారు. గ్రామ సంప్రదాయాలు, ఆచారాలకు ప్రతీకగా నిలిచే బొడ్రాయి నిర్మాణ పనులకు శ్రీకారం చుట్టడంతో గ్రామంలో సందడి నెలకొంది. గ్రామస్థులు ఉత్సాహంగా పాల్గొని కార్యక్రమాన్ని విజయవంతం చేశారు.
గ్రామ సర్పంచ్ కావటి మంజుల ఉప్పలయ్య, ఉపసర్పంచ్ మంటిపల్లి శ్రావణ్ కుమార్ ఆధ్వర్యంలో ఈ కార్యక్రమం నిర్వహించారు. వార్డు సభ్యులు, గ్రామ పెద్దలు, గ్రామస్థులు పాల్గొని నూతన బొడ్రాయి నిర్మాణానికి భూమిపూజ చేశారు.
గ్రామ అభివృద్ధితో పాటు తరతరాలుగా కొనసాగుతున్న సంప్రదాయాలు, సంస్కృతిని కాపాడుకోవడంలో ఇలాంటి కార్యక్రమాలు కీలకమని గ్రామస్థులు తెలిపారు. నూతన బొడ్రాయి గ్రామానికి ప్రత్యేక గుర్తింపుగా నిలవాలని, నిర్మాణ పనులు విజయవంతంగా పూర్తికావాలని ఆకాంక్షించారు.
ఈ కార్యక్రమంలో గ్రామ ప్రజలు పెద్ద సంఖ్యలో పాల్గొని తమ భాగస్వామ్యాన్ని చాటుకున్నారు. సంప్రదాయాలకు ప్రాధాన్యతనిస్తూ గ్రామ ఐక్యతను ప్రతిబింబించేలా భూమిపూజ కార్యక్రమం నిర్వహించారు.