భారత్ సమాచార్, సినీ టాక్స్ : సరిగ్గా ఇదే రోజున (ఫిబ్రవరి 20 1980) 44 ఏళ్ల క్రితం కొణిదెల వారి పెద్దబ్బాయి శివ శంకర వర ప్రసాద్ అలియాస్ మెగాస్టార్ చిరంజీవికి, అల్లువారి చిన్నమ్మాయి అల్లు సురేఖకి ఒక శుభముహుర్తంలో వివాహ వేడుక వైభవంగా జరిగింది. వారి వైవాహిక జీవితం నేటితో 44 వసంతాలు పూర్తి చేసుకుంది. ఈ సందర్భంగా ట్వీట్టర్ (ఎక్స్) వేదికగా మెగా, అల్లు ఫ్యామిలీల సెలబ్రిటీలు వారి అభిమానులు కూడా వివాహ వార్షికోత్సవ శుభాకాంక్షలు తెలుపుతున్నారు. వీరి దాంపత్య జీవితం గురించి చిరు ఎప్పుడు పెద్దగా బయటకు చెప్పరు. కానీ తాజాగా అల్లు రామలింగయ్య సభలో తనకు పెళ్లి చూపులు, పెళ్లి ఎలా జరిగిందో చెప్పారు. క్షణం తీరిక లేని సినీ షూటింగ్ ల మధ్య తన కళ్యాణ వేడుక ఎలా జరిగిందో చాలా సరదాగా వెల్లడించారు. అది ఇప్పుడు నెట్టింట తెగ వైరల్ అయిపోయింది.
చిరు, సురేఖ దంపతులకు రామ్ చరణ్, సుష్మిత, శ్రీజ పిల్లలున్నారు.
