భారత్ సమాచార్, మెదక్ జిల్లా: నార్సింగి మండలం వల్లూరు గ్రామ పరిధిలోని అటవీ ప్రాంతంలో గుర్తుతెలియని మహిళ మృతదేహం కలకలం రేపింది. జాతీయ రహదారి–44 పక్కన సోమవారం మధ్యాహ్నం సుమారు 3 గంటల సమయంలో మహిళ మృతదేహాన్ని గుర్తించినట్లు నార్సింగి ఎస్‌ఐ బీమరి సృజన తెలిపారు. మృతురాలి వివరాలు తెలియకపోవడంతో ఆమెను గుర్తించేందుకు పోలీసులు ప్రజల సహకారం కోరుతున్నారు. మహిళ మృతదేహం కనిపించిన విషయాన్ని స్థానికుల ద్వారా తెలుసుకున్న పోలీసులు సంబంధిత వివరాలను సేకరించినట్లు సమాచారం. మృతురాలిని గుర్తించేందుకు ఆమె శారీరక లక్షణాలు, ధరించిన ఆభరణాల వివరాలను వెల్లడించారు.
పోలీసులు తెలిపిన వివరాల ప్రకారం.. మృతురాలి వయస్సు సుమారు 40 నుంచి 50 సంవత్సరాల మధ్య ఉంటుందని అంచనా వేశారు. ఆమె చామనఛాయ కలిగి ఉండగా, వెంట్రుకలు తెలుపు, నలుపు రంగుల్లో ఉన్నట్లు తెలిపారు. ముందు భాగంలోని దంతాలు నల్లగా ఉండటంతో పాటు పై వరుసలో ఒక దంతం ఊడిపోయి ఉన్నట్లు పేర్కొన్నారు. ఈ శారీరక గుర్తులను ఆధారంగా చేసుకొని మహిళను గుర్తించేందుకు పోలీసులు ప్రయత్నిస్తున్నారు. మృతురాలి ఆచూకీ తెలిసినవారు లేదా ఆమె కుటుంబ సభ్యుల గురించి సమాచారం ఉన్నవారు ముందుకు వచ్చి పోలీసులకు సహకరించాలని అధికారులు కోరుతున్నారు.
మృతురాలి శరీరంపై ఉన్న ఆభరణాల వివరాలను కూడా ఎస్‌ఐ వెల్లడించారు. కుడిచేతి వేళ్లకు రాగి ఉంగరం, సింహం ఆకారంలో ఉన్న వెండి ఉంగరం ఉన్నట్లు తెలిపారు. మెడలో రాధాకృష్ణుల బిళ్లతో కూడిన రాగి రంగు దండతో పాటు గవ్వలు, పూసల దండలు ఉన్నాయని పేర్కొన్నారు. ఎడమ మోచేతికి రాగి కడియం, కుడి మోచేతికి ఎర్రదారంతో కూడిన తాయత్తు ఉన్నట్లు వివరించారు. అలాగే రెండు చేతులకు బంగారు రంగు, ఎరుపు రంగు గాజులు ఉన్నట్లు తెలిపారు. ఈ ఆభరణాల వివరాలను గుర్తుపెట్టుకొని మహిళను గుర్తించేందుకు సహకరించాలని పోలీసులు విజ్ఞప్తి చేశారు.
మృతురాలి వివరాలు తెలిసినవారు నార్సింగి పోలీస్‌స్టేషన్‌ను సంప్రదించి సమాచారం అందించాలని ఎస్‌ఐ బీమరి సృజన కోరారు. మహిళకు సంబంధించిన ఏదైనా సమాచారం ఉన్నా, ఆమె కనిపించకుండా పోయినట్లు తెలిసినా పోలీసులకు తెలియజేయాలని సూచించారు. ప్రజలు అందించే సమాచారం ద్వారా మృతురాలి గుర్తింపును నిర్ధారించేందుకు అవకాశం ఉంటుందని తెలిపారు. ఈ ఘటనకు సంబంధించి మృతురాలి గుర్తింపు, మరణానికి గల కారణాలు వంటి వివరాలు అధికారికంగా నిర్ధారించాల్సి ఉంది. మహిళను గుర్తించేందుకు పోలీసులు ప్రజల సహకారాన్ని కోరుతున్నారు.