భారత్ సమాచార్, టిక్నాల‌జీ : చలికాలంలో వేడి నీటి కోసం గీజర్‌ను తరచుగా ఉపయోగిస్తుంటాం. అయితే, సరైన జాగ్రత్తలు తీసుకోకపోతే నీటి లీకేజీ, విద్యుత్ ప్రమాదాలు, అధిక ఉష్ణోగ్రత, ప్రెజర్ సమస్యలు తలెత్తే అవకాశం ఉంది. అందుకే ప్రతిరోజూ గీజర్‌ను ఉపయోగించే ముందు దాని పరిస్థితిని పరిశీలించడం చాలా ముఖ్యం.
నీటి లీకేజీని తనిఖీ చేయండి : గీజర్ ట్యాంక్, పైపుల కనెక్షన్లు, జాయింట్ల దగ్గర నీరు కారుతుందేమో చూడండి. గోడలపై తడి మరకలు లేదా తుప్పు కనిపిస్తే నిర్లక్ష్యం చేయకండి. లీకేజీ ఉంటే గీజర్‌ను ఆపి నిపుణుడితో తనిఖీ చేయించండి.
విద్యుత్ వైర్లను పరిశీలించండి: పవర్ కేబుల్, ప్లగ్, స్విచ్ బోర్డులో పగుళ్లు, కాలిన గుర్తులు లేదా వదులైన కనెక్షన్లు ఉన్నాయేమో చూడండి. 3. ఎర్తింగ్ భద్రత: సరైన ఎర్తింగ్‌తో పాటు RCCB లేదా ELCB వంటి విద్యుత్ రక్షణ పరికరాలు పనిచేస్తున్నాయో అర్హత కలిగిన ఎలక్ట్రీషియన్‌తో పరీక్షించండి. 4. ఉష్ణోగ్రత నియంత్రణ: తయారీదారు సూచించిన సెట్టింగ్‌ను పాటించండి. మరీ వేడి నీటితో చర్మం కాలే ప్రమాదం ఉంది.
ప్రెజర్ రిలీఫ్ వాల్వ్: వాల్వ్, దాని పైపులో అడ్డంకులు లేదా నష్టం ఉన్నాయేమో నిపుణుడితో తనిఖీ చేయించండి. 6. పైపుల ఇన్సులేషన్: పైపులు దెబ్బతిన్నాయా, ఇన్సులేషన్ ఊడిపోయిందా చూడండి. 7. స్నానానికి ముందు విద్యుత్ సరఫరా నిలిపివేయండి: తయారీదారు సూచనలను పాటిస్తూ నీరు వేడెక్కిన తర్వాత గీజర్‌ను ఆఫ్ చేయండి. తడి చేతులతో స్విచ్‌లను తాకవద్దు. కాలిన వాసన, అసాధారణ శబ్దం లేదా విద్యుత్ ట్రిప్పింగ్ కనిపిస్తే వెంటనే వాడటం ఆపి నిపుణుడిని సంప్రదించండి.