భారత్ సమాచార్, మెదక్ జిల్లా: రామాయంపేట మున్సిపల్ పట్టణంలో ప్రజలకు అవసరమైన మౌలిక సదుపాయాలను మెరుగుపరిచేందుకు చర్యలు చేపడుతున్నారు. ఇందులో భాగంగా పాండ చెరువు కట్ట వద్ద ఉన్న కళ్యాణ రామచంద్రస్వామి ఆలయ ప్రాంగణంలో సీసీ రోడ్డు నిర్మాణ పనులను ప్రారంభించారు. ఆలయానికి వచ్చే భక్తులు, స్థానిక ప్రజలు రాకపోకల సమయంలో ఇబ్బందులు ఎదుర్కోకుండా ఈ పనులు చేపట్టారు.
మెదక్ MLA మైనంపల్లి రోహిత్ రావు ఆదేశాల మేరకు, మున్సిపల్ చైర్‌పర్సన్ ఆధ్వర్యంలో ఈ నిర్మాణ పనులకు శ్రీకారం చుట్టారు. మున్సిపల్ కౌన్సిలర్ గజవాడ నాగరాజు, పోచమ్మల గణేష్, డాకిస్వామి, బీజేపీ కౌన్సిలర్ శంకర్ గౌడ్‌తో పాటు ఆలయ కమిటీ సభ్యులు పనులను ప్రారంభించారు.
ఆలయ ప్రాంగణంలో సీసీ రోడ్డు నిర్మాణం చేపట్టడంపై స్థానికులు హర్షం వ్యక్తం చేస్తున్నారు. ఈ రోడ్డు అందుబాటులోకి వస్తే ఆలయానికి వచ్చే భక్తులతో పాటు స్థానిక ప్రజలకు రాకపోకలు సులభతరం కానున్నాయి. పట్టణంలో ప్రజలకు అవసరమైన మౌలిక సదుపాయాల కల్పనకు ప్రాధాన్యతనిస్తూ అభివృద్ధి పనులు చేపట్టాలని పలువురు అభిప్రాయపడ్డారు.
ప్రజలకు ఇబ్బందులు కలగకుండా పనులు చేపట్టడంతో పాటు, పట్టణ అభివృద్ధి కోసం ప్రజాప్రతినిధులు, సంబంధిత అధికారులు సమన్వయంతో ముందుకు సాగాలని స్థానికులు కోరుతున్నారు.
ఈ కార్యక్రమంలో ఆలయ కమిటీ సభ్యులు, పటేరి రవీందర్, నవత్ ప్రభాకర్, పటేరి రాము, నవత్ నవీన్, సాంగ్గాని బస్వరాజ్, నవాత్ మహేష్, సిద్ధ రాములు, మధునాల స్వామి గౌడ్, గోపి, కటికే రాజు, పూజారి శ్రీనివాస్, స్థానికులు తదితరులు పాల్గొన్నారు.