భారత్ సమాచార్, భద్రాద్రి జిల్లా: బంజారా జాతి అభ్యున్నతి కోసం తాను నిరంతరం పోరాడుతానని ఆల్ ఇండియా బంజారా సేవా సంఘం జిల్లా అధ్యక్షుడు భుక్యా చందు నాయక్ అన్నారు. పాల్వంచలో జరిగిన విలేకరుల సమావేశంలో ఆయన మాట్లాడారు. నూతనంగా జిల్లా అధ్యక్షుడిగా ఎన్నికైన సందర్భంగా సంఘం నాయకులు చందు నాయక్‌ను ఘనంగా సన్మానించారు. ఈ సందర్భంగా ఆయన మాట్లాడుతూ రద్దయిన జీవో స్థానంలో గిరిజనుల కోసం మరొక జీవోను వెంటనే ఇంప్లిమెంట్ చేయాలి. ఐ.టి.డి.ఏ పరిధిలో ఖాళీగా ఉన్న బ్యాక్‌లాగ్ పోస్టులను వెంటనే గిరిజనులతో భర్తీ చేయాలి. తెలంగాణ సాంఘిక సంక్షేమ శాఖలో పనిచేస్తున్న కాంట్రాక్ట్ ఉద్యోగుల వేతనాలు పెంచాలి. ఏజెన్సీ ప్రాంతంలోని గిరిజనులకు ఆర్.ఓ.ఎఫ్.ఆర్ కింద పోడు భూములకు పట్టాదారు పాసుపుస్తకాలు అందించి, వారికి రైతుబంధు/రైతుభరోసా వంటి పథకాలు వర్తింపజేయాలి. ఈ కార్యక్రమంలో సేవలాల్ సేన జిల్లా అధ్యక్షులు భద్రు నాయక్, జగదాంబ యువసేన జిల్లా అధ్యక్షులు భరత్, విద్యార్థి విభాగం నాయకులు రాములు నాయక్, సేవలాల్ సేన నాయకులు పరమేష్ నాయక్, సుచిత, ఇబ్రహీం, శృతి, వెంకన్న తదితరులు పాల్గొన్నారు.