భారత్ సమాచార్, అమరావతి ;
ఆంధ్రప్రదేశ్ కి న్యాయంగా, అత్యవసరంగా రావాల్సిన ప్రత్యేక హోదా గురించి ఏపీ ముఖ్యమంత్రి చంద్రబాబునాయుడు కనీసం నోరు కూడా విప్పటం లేదని ఏపీ కాంగ్రెస్ అధ్యక్షురాలు తాజాగా ట్విట్టర్ వేదికగా ప్రశ్నించారు. బీహార్ కు ప్రత్యేక హోదా ఇవ్వాలని ఆ రాష్ట్ర సీఎం నితీష్ కుమార్ తీర్మానం చేసి ప్రధాని మోడీ ముందట డిమాండ్ పెడితే… మోడీ సర్కార్ లో కింగ్ మేకర్ గా ఉన్న మీరు.. హోదాపై ఎందుకు మౌనం వహిస్తున్నారో రాష్ట్ర ప్రజలకు సమాధానం చెప్పాలని డిమాండ్ చేశారు. ‘‘రాజధాని లేని రాష్ట్రంగా బీహార్ కంటే వెనకబడి ఉన్నామని మీకు తెలియదా? 15 ఏళ్లు హోదా కావాలని అడిగిన రోజులు మీకు గుర్తులేదా ? రాష్ట్ర అభివృద్ధిలో ఏపీ 20 ఏళ్లు వెనకబడిందని చెప్పింది మీరే కదా ? హోదా ఇవ్వకుంటే మద్దతు ఉపసంహరణ అని ఎందుకు అడగడం లేదు ? మోసం చేసిన మోడీతో హోదాపై సంతకం ఎందుకు పెట్టించలేరు ? ప్రత్యేక హోదాపై మీ వైఖరి ఏంటో చెప్పాలని, రాష్ట్ర అసెంబ్లీలో తీర్మానం చేసి కేంద్రం దగ్గర హోదా డిమాండ్ పెట్టాలని, ఏపీ సీఎం చంద్రబాబు ’’ ని ఆంధ్రప్రదేశ్ కాంగ్రెస్ పార్టీ డిమాండ్ చేస్తున్నట్టు తెలిపారు. ప్రత్యేక ప్యాకేజీలు కాదు…రాష్ట్ర అభివృద్ధికి హోదా ఒక్కటే మార్గమని మరోసారి గుర్తు చేస్తున్నట్టు తెలిపారు.
