భారత్ సమాచార్, ‘అక్షర’ ప్రపంచం ;
పృచ్ఛకుడు:-
1. రైలు పట్టాలకూ,
కాలి పట్టాలకూ
అనుబంధం ఏమిటి?
అవధాని:-
రైలు పట్టాల మీద వుంటుంది.
కాలి మీద పట్టాలుంటాయి.
పృచ్ఛకుడు:-
2. కనలేని స్త్రీమూర్తి ఎవరు?
అవధాని:-
న్యాయస్థానములో వున్న
న్యాయదేవత.
కళ్ళకు గంతలు కట్టి
వుంటారు కదా !!.
పృచ్ఛకుడు:-
3. సోమవారాన్ని ‘మండే’ అనెందుకంటారు?
అవధాని:-
ఆదివారం హాయిగా భోంచేసి పడుకుంటాము కదా !. సోమవారం పొద్దున్నే
పనికెళ్లాలంటే ఒళ్ళు మండుతుంది కదా!
అందుకని ‘మండే’ అంటారు.
పృచ్ఛకుడు:-
4. ఒక పిల్లవాడు ఇంటినుండి పారిపోతే కనిపించుటలేదు అని ప్రకటిస్తారు కదా! దానికి పిల్లాడి స్పందన ఏమిటి?
అవధాని:-
కని – పెంచుట లేదు.
పృచ్ఛకుడు:-
5. ఈ రోజుల్లో పిల్లలు
తల్లిని Head Cook గా
చూస్తున్నారు.
మరి తండ్రిని
ఎలాచూస్తున్నారు ?.
అవధాని:-
ATM లాగా చూస్తున్నారు.
పృచ్ఛకుడు:-
6. సభలో ఎవరైనా
ఆవులిస్తే మీరేమి చేస్తారు ?.
అవధాని:-
పాలిచ్చేవైతే, అవధానం
అయ్యాక యింటికి
తోలుకెళ్తా !.
పృచ్ఛకుడు:-
7. మనిషికి
ఆనందాన్నిచ్చే సిటీ ఏది?
అవధాని:-
పబ్లిసిటీ
పృచ్ఛకుడు:-
8. తుద+ తుద = తుట్టతుద,
కడ + కడ = కట్టకడ
అవుతుంది కదా !.
అరటి + అరటి
ఏమవుతువుంది?
అవధాని:-
అర టీ + అర టీ
ఫుల్ టీ అవుతుంది.
పృచ్ఛకుడు:-
9. క్రికెట్ ప్లేయరుకీ,
అవధానికీ
సామ్యం ఉందా?
అవధాని:-
వాళ్ళు world play కి
వెళ్తారు.
మేము words play కి
వెళ్తాము.
పృచ్ఛకుడు:-
10.’పురుషులందు పుణ్యపురుషులు వేరయా’ అన్నాడు వేమన!. మరి ఇప్పుడు మీరేమంటారు?
అవధాని:-
“పురుషులందు
పుణ్యపురుషులు
ఏరయా? అంటాను.
పృచ్ఛకుడు:-
11. దేవుని గుడికి
తాళం వెయ్యాలా?.
అవధాని:-
భజన జరిగే చోట
తాళం తప్పనిసరి.
పృచ్ఛకుడు:-
12. అద్దం ముందున్న
ఆడువారికీ,
మైకు ముందున్న
అమాత్యులకీ
తేడా ఏమిటి?.
అవధాని:-
ఇద్దరికీ సమయం
తెలియదు !
(వాట్సాఫ్ యూనివర్సిటీ నుంచి సేకరణ)
