భారత్ సమాచార్.నెట్: టాలీవుడ్ స్టార్, పాన్ ఇండియా స్టార్ ప్రభాస్, డైరెక్టర్ నాగ్ అశ్విన్ దర్శకత్వంలో ప్రేక్షకుల ముందుకు వచ్చిన చిత్రం ‘కల్కి 2898 AD’. గతేడాది విడుదలైన ఈ చిత్రం బాక్స్‌ ఆఫీస్ వద్ద భారీ కలెక్షన్స్ రాబట్టిన సంగతి తెలిసిందే. పాన్ ఇండియా స్థాయిలో ఈ మూవీ సుమారు 1000 కోట్లకు పైగా కలెక్షన్లు వసూలు చేసింది. త్వరలోనే ఈ సినిమాకు సీక్వెల్ వస్తున్న పార్ట్ 2 షూటింగ్ పనులు త్వరలోనే ప్రారంభం కానున్నాయని ఇటీవల నాగ్ అశ్విన్ వెల్లడించారు.
పాన్ ఇండియా స్థాయిలో ఎంతో సక్సెస్ అందుకున్న ఈ చిత్రం మరో ఘనత సాధించింది. ఇండియన్‌ ఫిల్మ్‌ ఫెస్టివల్‌ ఆఫ్ మెల్‌బోర్న్‌ నామినేషన్స్లో కల్కి చోటు సంపాదించింది. తాజాగా ఐఎఫ్ఎఫ్ఎం నామినేషన్ జాబితాను విడుదల చేయగా అందులో ప్రభాస్ కల్కి ఉత్తమ్ చిత్ర విభాగంలో పోటీ పడుతోంది. తెలుగు నుంచి నామినేషన్స్లో స్థానం దక్కించుకున్న ఏకైక సినిమా కల్కి 2898 ఏడీ కావడం విశేషం.
ఇక ఈ ఉత్తమ సినిమా కేటగిరీలో హోమ్‌బౌండ్‌, ఎల్‌2: ఎంపురాన్‌, స్త్రీ 2, మహారాజ్‌, సూపర్ బాయ్స్ ఆఫ్ మాలేగావ్ తదితర సినిమాలు ఉన్నాయి. ఆస్ట్రేలియా మెల్‌బోర్న్‌ వేదికగా ఈ భారీ ఈవెంట్ జరగనుంది. ఆగస్టు 14 నుంచి 24 వరకూ ఈ వేడుక జరగనుంది. తొలి రోజే ఈవెంట్‌లోనే అన్ని కేటగిరీల విజేతలను ప్రకటిస్తారు. కాగా 2024 జూన్‌ 15 నుంచి 2025 జూన్‌ 14 వరకూ విడుదలైన సినిమాలను ఈ పురస్కారాల్లో పరిగణలోకి తీసుకున్నారు.
Share This Post
