భారత్ సమాచార్.నెట్, తిరుమల: కలియుగ ప్రత్యేక్ష దైవం తిరుమల శ్రీవారి ఆలయంలో రేపటి నుంచి పవిత్రోత్సవాలు జరగనున్నాయి. పవిత్రోత్సవాల సందర్భంగా నేడు అంటే ఆగస్ట్ 4 సోమవారం రోజున శ్రీవారి ఆలయంలో ఈ పవిత్రోత్సవాలకు అంకురార్పణ జరిగింది. రేపటి నుంచి ఆరంభం కానున్న ఈ ప్రవిత్రోత్సవాలు ఈ నెల 7 వరకు వైభవంగా జరగనున్నాయి. పవిత్రతోత్సవాల అంకురార్పణ సందర్భంగా నేడు సహసద్రీపాలకార సేవను టీటీడీ రద్దు చేసింది.
ఏడాది పొడవునా కోనేటి రాయుడు ఆలయంలో జరిగే అర్చనలు, ఉత్సవాల్లో భక్తుల వల్లగానీ.. సిబ్బంది వల్లగానీ తెలియక కొన్ని దోషాలు జరుగుతుంటాయి. తెలిసి తెలియని ఈ దోషాల వల్ల ఆలయ పవిత్రతకు ఎలాంటి లోపం కలుగకుండా ఉండేందుకు ఆగమశాస్త్రం ప్రకారం పవిత్రోత్సవాలు నిర్వహిస్తోంది టీటీడీ. కాగా తిరుమలలో 15, 16 శతాబ్దాల్లో జరిగిన పవిత్రోత్సవాలను.. 1962లో టీటీడీ పునరుద్ధరించింది.
ఇకపోతే పవిత్రోత్సవాల సందర్భంగా ఈ మూడు రోజులు ఆల‌యంలోని సంపంగి ప్రాకారంలో ఉదయం 9 నుంచి 11 గంటల వరకు స్నపన తిరుమంజనం నిర్వహించనున్నారు. అలాగే శ్రీదేవి, భూదేవి సమేత శ్రీమలయప్పస్వామివారు ఆలయ మాడ వీధుల్లో సాయంత్రం విహ‌రించనున్నారు. ఇక రేపు పవిత్రాల ప్రతిష్ట, ఎల్లుండి పవిత్ర సమర్పణ, చివరి రోజు అంటే ఆగస్ట్ 7 పూర్ణాహుతి కార్యక్రమాలు జరగనున్నాయి. మరోవైపు పవిత్రోత్సవాల సందర్భంగా అష్టదళ పాద పద్మారాధన సేవ, తిరుప్పావడ సేవతో పాటు కల్యాణోత్సవం, ఊంజల్‌సేవ, ఆర్జిత బ్రహ్మోత్సవం, సహస్రదీపాలంకార సేవలను టీటీడీ రద్దు చేసింది.
Related Posts:
Related posts:
Tirumala: ఆ రెండు రోజులు శ్రీవారి ఆలయంలో బ్రేక్ దర్శనాలు రద్దు
Tirumala: తిరుమల భక్తులకు అలర్ట్.. వీఐపీ బ్రేక్ దర్శనాలు రద్దు.. ఎందుకంటే?
తిరుమల శ్రీవారి ఆలయంలో వైభవంగా కోయిల్ ఆళ్వార్ తిరుమంజనం
తెలంగాణ ప్రజాప్రతినిధుల సిఫార్సు లేఖలకు టీటీడీ గ్రీన్ సిగ్నల్
భద్రాచలం రామయ్య సన్నిధిలో అపచారం.. ఆగిన అంకురార్పణ!
తిరుమల శ్రీవారి సాలకట్ల తెప్పోత్సవాలు.. ఐదు రోజులు ఆర్జిత సేవలు రద్దు
పూరీ జగన్నాథ ఆలయ పూర్తి చరిత్ర, ప్రత్యేకత, విశిష్ఠత
శ్రీవారి ఆర్జితసేవా టికెట్ల కోటా విడుదల
