సీఎం రేవంత్ రెడ్డికి బీజేపీ ఎమ్మెల్యే రాజాసింగ్ లేఖ

భారత్ సమాచార్.నెట్, హైదరాబాద్: తెలంగాణ ముఖ్యమంత్రి రేవంత్ రెడ్డి (Cm Revanth Reddy)కి గోషామహల్ బీజేపీ ఎమ్మెల్యే రాజాసింగ్ (Raja singh) లేఖ రాశారు. శ్రీరామనవమి (Sri Rama Navami) సందర్భంగా ఏప్రిల్ 6న నిర్వహించనున్న శోభాయాత్రకు ఎలాంటి అడ్డంకులు లేకుండా అనుమతి ఇవ్వాలని లేఖలో కోరారు. ప్రతి ఏడాదిలాగే ఈ ఏడాది కూడా యాత్ర కొనసాగేలా చూడాలని.. అనవసరమైన అడ్డంకులు సృష్టించవద్దని హైదరాబాద్ పోలీస్ కమిషనర్ (Hyderabad Police Commissioner) సీవీ ఆనంద్‌కు ఆదేశాలు ఇవ్వాలని రాజా సింగ్ కోరారు. తన లేఖలో రాజాసింగ్ ఇలా రాసుకొచ్చారు.

శ్రీరామ నవమి శోభాయాత్ర 2025 ఏప్రిల్ 6న తన నియోజకవర్గం గోషామహల్‌లోని ధూల్‌పేట్‌లోని ఆకాశపురి హనుమాన్ మందిర్ నుండి ప్రారంభమై సుల్తాన్ బజార్‌లోని హెచ్‌విఎస్ పబ్లిక్ స్కూల్ వద్ద ముగుస్తుందని తెలిపారు. 2010 నుండి ఈ శోభ యాత్రకు తాను నాయకత్వం వహిస్తున్నానని.. ఈ 15 సంవత్సరాలలో ఒక్కసారి కూడా హైదరాబాద్‌లో శాంతికి భంగం కలిగించలేదన్నారు. ప్రతి సంవత్సరం, లక్షలాది మంది రామభక్తులు భక్తితో, క్రమశిక్షణతో యాత్రలో పాల్గొంటున్నారని తెలిపారు.