భారత్ సమాచార్, ఆరోగ్యం ;
చింతచిగురు, చింతకాయలు, చింతపండు.. ఆఖరికి చింత గింజలతో సహా మన ఆరోగ్యానికి ఎంతో మేలు చేస్తాయి. సాధారణంగా చింత చెట్టు లేని ఊరు అంటూ ఉండదంటారు. చింతపండు వాడని ఇల్లు మనదేశంలో ఉండవంటే అతిశయోక్తి కానే కాదు. చింతపండు లేనిదే భారతీయ వంటకాలు పూర్తి కావు. విటమిన్ సి, విటమిన్ ఇ, విటమిన్ బి, కాల్షియం, ఐరన్, ఫాస్పరస్, పొటాషియం, మాంగనీస్, డైటరీ ఫైబర్ వంటి విటమిన్లు, పోషకాలు పుష్కలంగా ఉన్న దీన్ని ఆహారంలో భాగం చేసుకోవడం వల్ల జీర్ణవ్యవస్థ మెరుగ్గా పనిచేస్తుంది. ఇందులోని పాలీఫెనాల్స్, ఫ్లేవనాయిడ్స్.. మెటబాలిజమ్‌ను స్టిమ్యులేట్ చేస్తుంది. దీంతో బోలెడు ఆరోగ్య ప్రయోజనాలు ఉన్నాయి.. అవి ఏంటో తెలుసుకుందాం.
చింత చెట్టుని చూస్తే చాలామందికి బాల్యం గుర్తుకొస్తుంటుంది. కొమ్మలకు వేలాడే ఆ చింతకాయల్ని కర్రలతో కొట్టి కోసి ఉప్పూ కారాలు అద్దుకుని తినడం.. చింతపండు, పచ్చిమిర్చి, ఉప్పు నూరి ముద్దలా చేసుకుని పుల్లకు పెట్టుకుని క్యాండీలా చప్పరించడం… వంటివెన్నో గుర్తుకొస్తాయి. ప్రస్తుతం ఈతరం పిల్లలకి ఆ కష్టం కూడా లేకుండా చింత పండు చాక్లెట్లు నేరుగా మార్కె ట్లోనే దొరుకుతున్నాయి. మనదగ్గరయితే రోటిపచ్చడి.. సాంబారు, రసం, పులుసు కూర, పండుమిర్చి, అల్లం తదితర నిల్వ పచ్చళ్లు… ఇలా ఏది చేయాలన్నా చింతపండు ఉండాల్సిందే. ఒక్క చింతపండు అనేముంది, చింతచిగురు, చింతకాయలతో చేసే రుచులకీ లెక్కేలేదు. ఈ సీజన్లో దొరికే చింతకాయల్ని తొక్కులా రుబ్బి నిల్వచేసుకుని ఏడాది పొడవునా వాడుకుంటారు. జ్వరం నోటికి పత్యంలో భాగంగా చింత కాయ పచ్చడితో అన్నం పెట్టమంటారు ఆయుర్వేద వైద్యులు.
సైనస్ బాధితుల్నీ గ్యాస్ట్రిక్ సమస్యలతో బాధపడేవాళ్లనూ చింతపండుకి దూరంగా ఉండ మనీ పులుపుకి ప్రత్యామ్నా యంగా టొమాటో, నిమ్మ వాడ మని వైద్యులు హెచ్చరిస్తున్నప్పటికీ.. సంప్రదాయ వంటల్లో చింత పండుని పూర్తిగా పక్కకు పెట్టే యడం కష్టమైన పనే. అంత అవసరం లేదు కూడా అంటున్నాయి. తాజా పరిశోధనలు. ఎందుకంటే నిమ్మలోని సిట్రిక్ ఆమ్లం మాదిరిగానే చింతకాయ, చింతపండులోని టార్టారిక్ ఆమ్లం శక్తిమంతమైన యాంటీ ఆక్సిడెంటుగా పనిచేస్తుందట. ఇది శరీరంలోని హానికర ఫ్రీరాడికల్స్ ను నాశనం చేస్తుంది. చింతపండు లోని లిమోనిన్, జెరానియోల్, శాఫ్రోల్, సినామిక్ ఆమ్లం, మిథైల్ శాలిసిలైట్… వంటి ఫైటో కెమికల్స్ ఔషధాల్లా పనిచే స్తాయి. ఇందులో కాపర్, పొటా షియం, కాల్షియం, ఐరన్, విట మిన్-ఎ, రిబోఫ్లేవిన్, విటమిన్
గర్భిణులకి చింతకాయల్లోని పీచూ ఆమ్లాలూ ఉదయాన్నే వచ్చే వికారం, వాంతులు, అలసట, మలబద్ధ కాన్నీ తగ్గిస్తాయి. చింతకాయలకి ఉప్పు, మిరియాలపొడి అద్దుకుని తింటే వికారం తగ్గుతుంది. చింతపండు కాలేయ పని తీరునీ జీర్ణక్రియనీ పెంచుతుంది. చెడు కొలెస్ట్రాల్ తగ్గడానికీ దోహదపడుతుంది. చింతపండురసం, పటిక బెల్లం కలిపి మరిగించి తాగితే గుండెల్లో మంట తగ్గుతుందట. అరటీస్పూను చింతగింజల పొడిని కాస్త వేయించి నీళ్లలో కలిపి రోజుకి రెండుసార్లు తీసు కుంటే కీళ్లనొప్పులు తగ్గుముఖం పడతాయట. వేయించి పొడిచేసిన చింతగింజల్ని తేనెతో కలిపి రోజుకి మూడునాలుగుసార్లు తీసుకుంటే దగ్గు తగ్గుతుంది. చింతపండులోని యాంటీ ఆక్సిడెంట్లు రక్తశుద్ధికీ తోడ్పడ తాయి. ఇందులోని థైమీన్ నరాల పనితీరునీ జ్ఞాపకశక్తినీ పెంపొందిస్తుంది. చింతలోని పులుపు గుణం ఇన్సులిన్ శాతాన్ని పెంచి చక్కెర వ్యాధిని అదుపులో ఉంచుతుంది.
వేసవి ప్రారంభంలో వచ్చే చింతకాయలతో చేసే పప్పుచారూ, చింతతొక్కుతో చేసే పచ్చళ్లూ, ఆ తరవాత కొత్త చింతపండుతో చేసే ఉగాదిపచ్చడీ, వేసవి బారునా చేసుకునే పచ్చిపులుసూ, వానల్లో కాచుకునే మిరియాల రసమూ… అన్నీ ఆరోగ్యదాయ కాలే… చింతతో నిశ్చింతగా చేసుకోగలిగే వంటకాలే. అయితే చింతపండుతో ఉప్పు వాడకం కూడా పెరుగుతుంది కాబట్టి- బీపీ, గ్యాస్ట్రిక్ సమస్యలతో బాధపడేవాళ్లు చింతపండుని తగు మోతాదులో వాడటమే మేలు.
