భారత్ సమాచార్, మహబూబాబాద్ జిల్లా: మహబూబాబాద్ జిల్లా కేసముద్రం మండల కేంద్రంలోని వ్యవసాయ మార్కెట్కు మంగళవారం సెలవు ప్రకటించినట్లు ఏఎంసీ ఇనుగుర్తి డైరెక్టర్ కొట్టం రాము తెలిపారు. ఈ మేరకు వ్యవసాయ మార్కెట్ చైర్మన్ గంట సంజీవరెడ్డి సోమవారం ప్రకటన విడుదల చేసినట్లు ఆయన పేర్కొన్నారు.
దడువాయిల సమస్యలపై హైదరాబాద్లో మంగళవారం నిర్వహించనున్న రాష్ట్ర సదస్సుకు కేసముద్రం వ్యవసాయ మార్కెట్ కమిటీకి చెందిన దడువాయిలు హాజరుకానున్న నేపథ్యంలో స్థానిక మార్కెట్కు సెలవు ప్రకటించినట్లు రాము వివరించారు. దడువాయిలు సదస్సుకు వెళ్లాల్సి ఉండటంతో మార్కెట్ కార్యకలాపాలు నిర్వహించడం సాధ్యం కానందున ఈ నిర్ణయం తీసుకున్నట్లు తెలిపారు.
మంగళవారం మార్కెట్కు సెలవు ఉన్నందున రైతులు తమ పంటలను విక్రయించేందుకు కేసముద్రం వ్యవసాయ మార్కెట్కు తీసుకురావద్దని అధికారులు సూచించారు. రైతులు ఈ విషయాన్ని గమనించి తమ పంటల విక్రయానికి అనుగుణంగా ప్రణాళిక చేసుకోవాలని కోరారు. మార్కెట్కు సెలవు విషయాన్ని రైతులకు ముందుగానే తెలియజేసేలా చర్యలు చేపట్టారు.
తిరిగి ఈ నెల 9వ తేదీ బుధవారం నుంచి కేసముద్రం వ్యవసాయ మార్కెట్ యథావిధిగా కార్యకలాపాలు కొనసాగిస్తుందని ఏఎంసీ ఇనుగుర్తి డైరెక్టర్ కొట్టం రాము తెలిపారు. రైతులు బుధవారం నుంచి తమ పంటలను మార్కెట్కు తీసుకువచ్చి విక్రయించుకోవచ్చని సూచించారు.
